"Барселона"нинг собиқ ярим ҳимоячиси Артур Мело Испания Ла Лигасига қайтиш арафасида. Журналист Ромео Агрестининг ёзишича, Туриннинг “Ювентус” клуби бугун “Валенсия” раҳбарияти билан Бразилия терма жамоаси футболчисини ижарага олиш борасида жуда ижобий музокаралар олиб борди.
Қайд этилишича, Артур "Валенсия" бош мураббийи Женнаро Гаттузо билан ҳам гаплашишга муваффақ бўлган. Италиялик мураббий ярим ҳимоячини "кўршапалаклар" сафига қўшилишга кўндириб, унга асосий таркибда доимий ўрин эгаллашини ваъда қилди.
Эслатиб ўтамиз, Артур 2020 йилнинг ёзида "Барселона"дан "Ювентус"га ўтган, бироқ у А Серияда муваффақият қозона олмади. "Кекса синьора" бош мураббийи Массимилиано Аллегри футболчига унинг режаларига киритилмаганини айтди. .
