"Chelsi"ning yangi futbolchisi Kalidu Kulibali Premyer-ligani ancha yil avval o‘tishi mumkinligini aytdi. Eslatib o‘tamiz, senegallik ushbu yozda "Napoli"dan 38 million yevro evaziga "Stemford Bridj"ga ko‘chib o‘tgandi. Shu bilan birga, futbolchining Italiya klubi bilan shartnomasi tugashiga bir yil qolgandi.
"Premyer-ligaga ancha yil avval o‘tishim mumkin edi, ammo hozir vaqti kelgan ekan. Ehtimol, o‘shanda men tayyor bo‘lmagandirman va bundan tashqari, men janjal bilan ketishni xohlamadim hamda men hech qachon bunday yo‘l tutmayman. Bu yoz "Napoli"ni tark etish uchun to‘g‘ri vaqt bo‘ldi", - dedi Kulibali "Chelsi" rasmiy saytiga.
Eslatib o‘tamiz, yangi jamoada senegallik futbolchi 26-raqamli futbolkada harakat qiladi.