"Челси"нинг янги футболчиси Калиду Кулибали Премьер-лигани анча йил аввал ўтиши мумкинлигини айтди. Эслатиб ўтамиз, сенегаллик ушбу ёзда "Наполи"дан 38 миллион евро эвазига "Стэмфорд Бридж"га кўчиб ўтганди. Шу билан бирга, футболчининг Италия клуби билан шартномаси тугашига бир йил қолганди.
"Премьер-лигага анча йил аввал ўтишим мумкин эди, аммо ҳозир вақти келган экан. Эҳтимол, ўшанда мен тайёр бўлмагандирман ва бундан ташқари, мен жанжал билан кетишни хоҳламадим ҳамда мен ҳеч қачон бундай йўл тутмайман. Бу ёз "Наполи"ни тарк этиш учун тўғри вақт бўлди", - деди Кулибали "Челси" расмий сайтига.
Эслатиб ўтамиз, янги жамоада сенегаллик футболчи 26-рақамли футболкада ҳаракат қилади.