Italiya terma jamoasi va Londonning “Chelsi” jamoasining himoyachi yarim himoyachisi Jorjinyo A Seriyaga qaytishi mumkin.

90min portali xabariga ko‘ra, 30 yoshli futbolchi xizmatlariga Turinning "Yuventus" klubi qiziqish bildirmoqda. "Keksa sinyora" Jorjinyoni "Valensiya"ga ijaraga beriladigan braziliyalik Artur Meloga o‘rinbosar sifatida ko‘rmoqda.

"Chelsi" italiyalikni tekinga yo‘qotmaslik uchun uni sotishga qaror qilishi mumkin. Yarim himoyachining klub bilan shartnomasi 2023 yilda yakuniga yetadi.

Jorjinyo o‘tgan mavsumda Premyer-liganing 29 ta o‘yinida 6 ta penaltidan gol va 2 ta golli uzatmaga mualliflik qilgan.