Италия терма жамоаси ва Лондоннинг “Челси” жамоасининг ҳимоячи ярим ҳимоячиси Жоржиньо А Серияга қайтиши мумкин.
90min портали хабарига кўра, 30 ёшли футболчи хизматларига Туриннинг "Ювентус" клуби қизиқиш билдирмоқда. "Кекса синьора" Жоржиньони "Валенсия"га ижарага бериладиган бразилиялик Артур Мелога ўринбосар сифатида кўрмоқда.
"Челси" италияликни текинга йўқотмаслик учун уни сотишга қарор қилиши мумкин. Ярим ҳимоячининг клуб билан шартномаси 2023 йилда якунига етади.
Жоржиньо ўтган мавсумда Премьер-лиганинг 29 та ўйинида 6 та пенальтидан гол ва 2 та голли узатмага муаллифлик қилган.
