“Real” bosh murabbiyi Karlo Anchelotti Aureliyen Tchuameni va Antonio Ryudigerning transferlari haqida o‘z fikrlari bilan o‘rtoqlashdi.
"Mening fikrimcha, biz o‘z pozisiyalari bo‘yicha dunyoning eng yaxshilari qatoridan joy olgan ikki futbolchini qo‘lga kiritdik. Ularning sinfi birinchi navbatda jamoaning jismoniy va texnik imkoniyatlarini oshiradi. Shu bilan birga, ular qulay bo‘lishlari kerak, jamoaga esa ularga biroz ko‘nikish uchun vaqt kerak. “Madrid”ni tark etgan uch nafar futbolchi – Marselo, Isko va Beyl klubimiz tarixiga kirib qolganini unutmasligimiz kerak.
"Real Madrid" bu futbolchilardan minnatdor. Umid qilamizki, yangi kelganlar jamoani tark etganlarning yutuqlarini takrorlay olishadi", - deya Anchelotti so‘zlarini keltiradi UYEFA rasmiy sayti.
