“Реал” бош мураббийи Карло Анчелотти Аурелиен Тчуамени ва Антонио Рюдигернинг трансферлари ҳақида ўз фикрлари билан ўртоқлашди.
"Менинг фикримча, биз ўз позициялари бўйича дунёнинг энг яхшилари қаторидан жой олган икки футболчини қўлга киритдик. Уларнинг синфи биринчи навбатда жамоанинг жисмоний ва техник имкониятларини оширади. Шу билан бирга, улар қулай бўлишлари керак, жамоага эса уларга бироз кўникиш учун вақт керак. “Мадрид”ни тарк этган уч нафар футболчи – Марсело, Иско ва Бэйл клубимиз тарихига кириб қолганини унутмаслигимиз керак.
"Реал Мадрид" бу футболчилардан миннатдор. Умид қиламизки, янги келганлар жамоани тарк этганларнинг ютуқларини такрорлай олишади", - дея Анчелотти сўзларини келтиради УЕФА расмий сайти.
