"Tottenxem" ustozi Antonio Konte "shporlar" hali APLning kuchli uchtaligidagi klublar bilan raqobat qilishga tayyor emasligini aytdi.
Konte Sky Sport Italia nashriga bergan intervyusida "Tottenxem" yetti oy ichida "Manchester Siti", "Liverpul" va "Chelsi" bilan sezilarli farqni yo‘qqa chiqarganiga ishonish uchun bunchalik manmanlik qilish shart emasligini aytdi.
"Men "Manchester Yunayted"ni shu qatorga qo‘ygan bo‘lardim, ammo so‘nggi yillarda ular o‘yin va tarkibda katta muammolarga duch kelishdi", - dedi italiyalik mutaxassis.
Eslatib o‘tamiz, o‘tgan mavsumda Shimoliy London klubi Antonio Konte boshchiligida APLda to‘rtinchi o‘rinni egallab, Chempionlar ligasi yo‘llanmasini qo‘lga kiritgan edi.