Yangi mavsum ulardan birini xursand qilishi mumkin.

Zlatan Ibrahimovich, "Milan"

Ibragimovich o‘zining uzoq yillik faoliyati davomida hech qachon Chempionlar Ligasi kubogini boshi uzra ko‘tarmagan. Ammo Zlatan futboldan voz kechmasa, kubokni yutish uchun yana kamida bitta imkoniyatga ega bo‘ladi.

Kevin De Bryuyne, “Manchester Siti”

Ikki mavsumdan beri Gvardiola qo‘l ostidagi "Man Siti" Chempionlar ligasida g‘alabadan bir bahya uzoqda qolyapti. Yangi mavsumda “shaharliklar” albatta yana urinib ko‘rishadi.

Erling Xoland, “Manchester Siti”

Bu hujumchida oldin Chempionlar ligasi uchun kurashish imkoniyati ham bo‘lmagan: u g‘oliblikka da’vogar jamoalarda o‘ynamagan.

Harri Keyn, "Tottenxem"

Keyn "Tottenxem" bilan nimadir yutish uchun ko‘p imkoniyatlarga ega bo‘lmadi, ammo Chempionlar ligasida g‘alaba qozonish uchun imkoniyat bor edi: 2019 yilda "Tottenxem" finalda "Liverpul"ga yutqazdi. Yana shunday imkoniyat beriladimi, buni vaqt ko‘rsatadi.

Kilian Mbappe, “PSJ”

Bunday futbolchi uchun Chempionlar ligasida g‘alaba qozonish vaqt masalasidek tuyuladi. Ammo hozircha “PSJ” ko‘p ish qila olmadi: eng yaxshi natija 2020 yilgi finaldagi mag‘lubiyat bo‘ldi.

Romelu Lukaku, “Inter”

Lukaku Chempionlar ligasida g‘oliblik uchun kurashgan ko‘plab klublarda o‘ynashga muvaffaq bo‘ldi, ammo 29 yoshida u kubok sohibiga aylana olmadi. Bu mavsumda yangi urinish "Inter" bilan bo‘ladi.

Pol Pogba, "Yuventus"

Pogba ham faoliyati davomida bir nechta top-klublarda o‘ynagan, biroq u “Manchester Yunayted” bilan ham, “Yuve” bilan ham Chempionlar ligasida g‘alaba qozona olmadi.

Antuan Grizmann, “Atletiko”

Grizmannning Chempionlar ligasidagi eng yaxshi natijasi finalda "Real Madrid"dan mag‘lubiyat. "Barselona"ga o‘tish vaziyatni unchalik yaxshilagani yo‘q, Grizmann yana "Atletiko" bilan kubok uchun kurashishga harakat qiladi.