Янги мавсум улардан бирини хурсанд қилиши мумкин.
Златан Ибраҳимович, "Милан"
Ибрагимович ўзининг узоқ йиллик фаолияти давомида ҳеч қачон Чемпионлар Лигаси кубогини боши узра кўтармаган. Аммо Златан футболдан воз кечмаса, кубокни ютиш учун яна камида битта имкониятга эга бўлади.
Кевин Де Брюйне, “Манчестер Сити”
Икки мавсумдан бери Гвардиола қўл остидаги "Ман Сити" Чемпионлар лигасида ғалабадан бир баҳя узоқда қоляпти. Янги мавсумда “шаҳарликлар” албатта яна уриниб кўришади.
Эрлинг Холанд, “Манчестер Сити”
Бу ҳужумчида олдин Чемпионлар лигаси учун курашиш имконияти ҳам бўлмаган: у ғолибликка даъвогар жамоаларда ўйнамаган.
Ҳарри Кейн, "Тоттенхэм"
Кейн "Тоттенхэм" билан нимадир ютиш учун кўп имкониятларга эга бўлмади, аммо Чемпионлар лигасида ғалаба қозониш учун имконият бор эди: 2019 йилда "Тоттенхэм" финалда "Ливерпул"га ютқазди. Яна шундай имконият бериладими, буни вақт кўрсатади.
Килиан Мбаппе, “ПСЖ”
Бундай футболчи учун Чемпионлар лигасида ғалаба қозониш вақт масаласидек туюлади. Аммо ҳозирча “ПСЖ” кўп иш қила олмади: энг яхши натижа 2020 йилги финалдаги мағлубият бўлди.
Ромелу Лукаку, “Интер”
Лукаку Чемпионлар лигасида ғолиблик учун курашган кўплаб клубларда ўйнашга муваффақ бўлди, аммо 29 ёшида у кубок соҳибига айлана олмади. Бу мавсумда янги уриниш "Интер" билан бўлади.
Поль Погба, "Ювентус"
Погба ҳам фаолияти давомида бир нечта топ-клубларда ўйнаган, бироқ у “Манчестер Юнайтед” билан ҳам, “Юве” билан ҳам Чемпионлар лигасида ғалаба қозона олмади.
Антуан Гризманн, “Атлетико”
Гризманннинг Чемпионлар лигасидаги энг яхши натижаси финалда "Реал Мадрид"дан мағлубият. "Барселона"га ўтиш вазиятни унчалик яхшилагани йўқ, Гризманн яна "Атлетико" билан кубок учун курашишга ҳаракат қилади.
