"Fiorentina" hujumchisi Aleksandr Kokorin hamon yakka tartibda shug‘ullanmoqda.
Ayni damda “Fiorentina” Avstriyadagi ikkinchi mavsumoldi yig‘inini o‘tkazmoqda, biroq Kokorin Florensiyada yakka tartibda mashg‘ulot o‘tkazmoqda. Shuningdek, darvozabon Bartolmey Drangovski ham u bilan birga.
Rossiyalik futbolchi “Fiorentina”dan shartnoma borasidagi qarorni kutmoqda. Xabar qilinishicha, klub hujumchi bilan shartnomani bekor qilmoqchi va buning uchun unga 2 million yevro taklif qilmoqda.
RB Sport xabariga ko‘ra, Kokorin rasmiy o‘yinda yana "Fiorentina"da o‘ynashi dargumon, chunki Aleksandr qaydnomada Yevropa Ittifoqi pasporti bo‘lmagan futbolchi o‘rnini egallaydi.
"Kokorinni bu mavsumda jamoada qolishini tasavvur qilib bo‘lmaydi. Agar u ketmasa, "Fiorentina" uni qaydnomaga kiritmasligi uchun yaxshi imkoniyat bor", - dedi italiyalik manba.
