"Фиорентина" ҳужумчиси Александр Кокорин ҳамон якка тартибда шуғулланмоқда.
Айни дамда “Фиорентина” Австриядаги иккинчи мавсумолди йиғинини ўтказмоқда, бироқ Кокорин Флоренцияда якка тартибда машғулот ўтказмоқда. Шунингдек, дарвозабон Бартолмей Дранговски ҳам у билан бирга.
Россиялик футболчи “Фиорентина”дан шартнома борасидаги қарорни кутмоқда. Хабар қилинишича, клуб ҳужумчи билан шартномани бекор қилмоқчи ва бунинг учун унга 2 миллион евро таклиф қилмоқда.
РБ Спорт хабарига кўра, Кокорин расмий ўйинда яна "Фиорентина"да ўйнаши даргумон, чунки Александр қайдномада Европа Иттифоқи паспорти бўлмаган футболчи ўрнини эгаллайди.
"Кокоринни бу мавсумда жамоада қолишини тасаввур қилиб бўлмайди. Агар у кетмаса, "Фиорентина" уни қайдномага киритмаслиги учун яхши имконият бор", - деди италиялик манба.
