“Roma”ning fransiyalik yarim himoyachisi Jordan Veretu “Marsel”ga o‘tadi, deya xabar bermoqda jurnalist Fabrisio Romano o‘zining Twitter sahifasida.
Manbaning xabariga ko‘ra, fransuz klubi futbolchini 11 million yevro evaziga transfer qilishga rozi bo‘lgan. Transfer summasi bonuslar orqali yana 4,5 million yevroga oshirilishi mumkin. Yaqin orada yarim himoyachi Marselda tibbiy ko‘rikdan o‘tadi.
29 yoshli Veretu o‘tgan mavsumda "Roma" safida barcha turnirlarda 50ta o‘yinda maydonga tushib, 4ta gol urdi va 10ta golli uzatmani amalga oshirdi. Uning klub bilan shartnomasi 2024 yilning yoziga qadar mo‘ljallangan.
