7 avgust, yakshanba kuni “Roma” yozgi mavsum oralig‘ida ilk bor “Olimpiko”da o‘rtoqlik o‘yini o‘tkazadi. Joze Mourinyo shogirdlari Ukrainaning “Shaxtyor” jamoasiga qarshi maydonga tushadi, deb xabar beradi “bo‘rilar” rasmiy sayti.
Uchrashuv Toshkent vaqti bilan 23:45da boshlanadi. "Roma" rasmiy veb-sayti va ijtimoiy tarmoqlarda muxlislarni stadionga kelishga chaqirgan e’lonlar haqida ma’lum qildi. O‘yin boshlanishiga bir soat qolganda A Seriyaning yangi mavsumi startiga tayyorgarlik ko‘rayotgan "tiffozilar" uchun yangilangan tarkib taqdimoti rejalashtirilgan. Muxlislar jamoaning yangi futbolchilari - Paulo Dibalani ko‘rish imkoniga ega bo‘lishadi. Shuningdek, Nemanya Matich va "Lill"dan transfer qilingan Zeki Chelik ham tanishtiriladi.
"Roma" yozda oltita sinov o‘yini o‘tkazdi. Rimliklar Angliyaning “Sanderlend”ini (2:0), Portugaliyaning “Portimonense”sini (2:0) mag‘lub etishdi, Portugaliyaning “Sporting” (2:3) va Italiyaning “Askoli” (0:1) klublariga imkoniyatni boy beridi. Shuningdek, "Nissa" bilan durang (1:1) o‘ynagan bo‘lsa, "Tottenxem"ni minimal hisobda (1:0) yengdi.
