7 август, якшанба куни “Рома” ёзги мавсум оралиғида илк бор “Олимпико”да ўртоқлик ўйини ўтказади. Жозе Моуриньо шогирдлари Украинанинг “Шахтёр” жамоасига қарши майдонга тушади, деб хабар беради “бўрилар” расмий сайти.

Учрашув Тошкент вақти билан 23:45да бошланади. "Рома" расмий веб-сайти ва ижтимоий тармоқларда мухлисларни стадионга келишга чақирган эълонлар ҳақида маълум қилди. Ўйин бошланишига бир соат қолганда А Сериянинг янги мавсуми стартига тайёргарлик кўраётган "тиффозилар" учун янгиланган таркиб тақдимоти режалаштирилган. Мухлислар жамоанинг янги футболчилари - Пауло Дибалани кўриш имконига эга бўлишади. Шунингдек, Неманя Матич ва "Лилль"дан трансфер қилинган Зеки Челик ҳам таништирилади.

"Рома" ёзда олтита синов ўйини ўтказди. Римликлар Англиянинг “Сандерленд”ини (2:0), Португалиянинг “Портимоненсе”сини (2:0) мағлуб этишди, Португалиянинг “Спортинг” (2:3) ва Италиянинг “Асколи” (0:1) клубларига имкониятни бой бериди. Шунингдек, "Ницца" билан дуранг (1:1) ўйнаган бўлса, "Тоттенхэм"ни минимал ҳисобда (1:0) енгди.