Amsterdamning “Ayaks” klubida italiyalik 21 yoshli futbolchi Lorenso Lukka paydo bo‘lgani haqida avval xabar berilgandi. Italiya terma jamoasi bosh murabbiyi Roberto Manchini futbolchi bilan yaxshi tanish va uni terma jamoaning salohiyatli futbolchisi deb biladi. Manchinining fikricha, Lukka "Ayaks"da o‘sish uchun barcha imkoniyatlarga ega bo‘ladi.
"U "Ayaks"da o‘sish uchun barcha imkoniyatlarga ega. "Ayaks" har doim g‘alabani o‘ylaydigan jamoa. "Real", "Barselona" yoki "Yuventus" kabi u yerda durang mag‘lubiyat deb hisoblanadi. Yaxshi maktab bor – futbolchilar ulg‘ayib, keyin foydali shartnomalarga ega bo‘lishadi", – dedi Manchini ITASportPress bilan suhbatda.