"Tottenxem" bosh murabbiyi Antonio Konte London jamoasining maqsadlari haqida gapirdi.
“Nega Premyer-liga va Chempionlar ligasida g‘olib bo‘lmaymiz? Mening va klubning maqsadi - yaxshiroq bo‘lish. Bu biz yetti oy oldin birga boshlagan jarayon. Chempionlar ligasidan joy olgan bo‘lsangiz, bu maqsadingizga erishdingiz degani emas.
Men bu klub bilan muhim narsani qurmoqchi ekanligimni aytdim, chunki men g‘alaba qozonishni yaxshi ko‘raman. Mening tajribam shuni ko‘rsatadiki, biz to‘g‘ri yo’nalishda ketyapmiz.
Shu bilan birga, klubga Yevropaning eng yaxshi jamoalari bilan raqobatlashish uchun yana bir qadam kerak bo‘lganini bilaman. Shuning uchun biz takabbur bo‘lmasligimiz kerak. Biz top-klub bo‘lish uchun maydonda va uning tashqarisida ishlashimiz, yaxshilanishimiz kerak", - dedi Konte AFP bilan suhbatda.
Eslatib o‘tamiz, "Tottenxem" o‘tgan mavsumda APLda to‘rtinchi o‘rinni egalladi.
