"Barselona" darvozaboni Neto tez orada "Bornmut"ga o‘tadi, deya xabar beradi jurnalist Fabrisio Romano.

Manbaga ko‘ra, 33 yoshli braziliyalik va uning agenti birga "Bornmut" bilan shartnoma imzolash uchun Angliyaga uchib ketgan. Kataloniya klubi futbolchi bo‘yicha taklifni qabul qildi, yaqin orada darvozabon tibbiy ko‘rikdan o‘tadi.

Neto 2019 yil iyulidan beri “Barselona” safida to‘p tepadi. O‘tgan mavsumda u 4 ta o‘yinda qatnashib, 5 ta gol o‘tkazib yuborgan. Transfermarkt portali futbolchining narxini 3 million yevroga baholamoqda.