"Napoli" bosh murabbiyi Luchano Spalletti "Sassuolo" hujumchisi Jakomo Raspadori transferi borasidagi fikrlari bilan o‘rtoqlashdi.
“U bizga yordam beradigan barcha xususiyatlarga ega. Yosh, kuchli, barcha hujumkor rollarda o‘ynay oladigan ko‘p qirrali futbolchi. U Mertensning o‘rniga o‘rinbosar bo‘ladi", - deya Spalletti so‘zlarini keltirgan jurnalist Nikolo Skira.
Avvalroq, 22 yoshli italiyalik futbolchi klub rahbariyatidan yozgi transfer oynasida uni qo‘yib yuborishni so‘ragandi. Forvardga "Napoli" va "Yuventus" qiziqish bildirmoqda.
Raspadori - "Sassuolo" tarbiyalanuvchisi. O‘tgan mavsumda u 38 o‘yinda 10 ta gol urdi va 6 ta golli uzatmani amalga oshirdi. Transfermarkt portali futbolchining narxini 28 million yevroga baholamoqda.
