"Наполи" бош мураббийи Лучано Спаллетти "Сассуоло" ҳужумчиси Жакомо Распадори трансфери борасидаги фикрлари билан ўртоқлашди.
“У бизга ёрдам берадиган барча хусусиятларга эга. Ёш, кучли, барча ҳужумкор ролларда ўйнай оладиган кўп қиррали футболчи. У Мертенснинг ўрнига ўринбосар бўлади", - дея Спаллетти сўзларини келтирган журналист Николо Скира.
Аввалроқ, 22 ёшли италиялик футболчи клуб раҳбариятидан ёзги трансфер ойнасида уни қўйиб юборишни сўраганди. Форвардга "Наполи" ва "Ювентус" қизиқиш билдирмоқда.
Распадори - "Сассуоло" тарбияланувчиси. Ўтган мавсумда у 38 ўйинда 10 та гол урди ва 6 та голли узатмани амалга оширди. Transfermarkt портали футболчининг нархини 28 миллион еврога баҳоламоқда.
