"Chelsi" "Brayton" klubi himoyachisi Mark Kukurellyani sotib olganini rasman e’lon qildi.
Insayder Fabrisio Romanoning fikricha, bonuslarni hisobga olmagan holda London klubi Kukurellya uchun janubliklarga 55 million funt (taxminan 65 million yevro) to‘ladi. Shu tariqa, Kukurellya tarixdagi eng qimmat chap qanot himoyachisiga aylandi. Ispaniyalik futbolchi Benjamen Mendining transfer rekordini yangiladi – 2017 yilda “Manchester Siti” fransiyalik futbolchi uchun 57,5 million yevro to‘lagandi.
Angliya Premyer-ligasining dastlabki turida “Chelsi” safarda “Everton”ga qarshi bahs olib boradi.
