"Челси" "Брайтон" клуби ҳимоячиси Марк Кукурелльяни сотиб олганини расман эълон қилди.

Инсайдер Фабрицио Романонинг фикрича, бонусларни ҳисобга олмаган ҳолда Лондон клуби Кукуреллья учун жанубликларга 55 миллион фунт (тахминан 65 миллион евро) тўлади. Шу тариқа, Кукуреллья тарихдаги энг қиммат чап қанот ҳимоячисига айланди. Испаниялик футболчи Бенжамен Мендининг трансфер рекордини янгилади – 2017 йилда “Манчестер Сити” франциялик футболчи учун 57,5 ​​миллион евро тўлаганди.

Англия Премьер-лигасининг дастлабки турида “Челси” сафарда “Эвертон”га қарши баҳс олиб боради.