“Andijon” – “G‘ijduvon” (2:1) o‘rtasidagi uchrashuvdan keyingi matbuot anjumanining ikkinchi qismida mezbonlar bosh murabbiyi Viktor Kumikov jurnalistlarning savollariga javob qaytardi.

— Viktor Balyutovich g‘alaba bilan tabriklayman! O‘yin yoqdimi?
— Ikki xil fikrdaman. O‘yinni dastlabki daqiqalaridan o‘z nazoratimizga oldik, harakatlarimiz yaxshi bo‘ldi. Barchasi shunday ketadi, deb tasavvur qilayotgandik. Ikkinchi taymda esa biz o‘ylagan natijalar doim ham amalga oshmadi. Hozir kiyinish xonasida gaplashib oldik. Bunday o‘ynash yaxshi emas. “Turon” bilan bundan-da kuchliroq o‘ynaymiz.

— Zafar Polvonov bugun debyutini o‘tkazdi va debyut golini urdi...
— Zafar Polvonov biz bilan yig‘inda bo‘lmadi. Jamoani hali to‘liq tushunib yetmagan. Lekin men uni bilaman. Avvalgi jamoamda qo‘l ostimda o‘ynagan. Shuning uchun imkoniyatlaridan yaxshi xabardorman. U qaysi vaqtda gol urishni juda yaxshi biladi. Shu sababli bu futbolchi yuqori darajadagi o‘yinchi. Xususan, Suhrob Berdiyev bilan Zafar Polvonov yaxshi o‘yin ko‘rsatishdi.

— Polvonovni zaxiradan tushirayotganingizda unga nima degandingiz?
— Unga nima qilish kerakligini alohida tushuntirdim. Hujumda qanday harakat qilish kerakligini aytdim. Qanotda o‘ynashi bo‘yicha vazifasini bildirdim.

— Vladimir Bubanya bilan gaplashdingizmi? U nima uchun penaltidan gol ura olmadi?
— Keyin aytaman (kuladi).

— “Turon” bilan o‘yinda ko‘proq gollar kiritish hisobiga g‘alaba qozonishni xohlaymiz...
— Bizni “Turon” bilan ikkita o‘yinimiz bor. Nechta gol urishimizni oldindan ayta olmayman. Muhimi, yutsak bo‘ldi.

“Andijon” matbuot xizmati.