"Arsenal" himoyachisi Vilyam Saliba APL 1-turidan o‘rin olgan "Kristal Pelas"ga qarshi o‘yin (2:0) haqida gapirdi.
“Qiyin bo‘lishini bilardik, lekin biz kuchli va himoyada mustahkam harakat qildik. Debyutimni anchadan beri kutgandim va gol o‘tkazib yubormasdan g‘alaba qozonganimizdan xursandman. Bu ishonch uchun muhim”, — dedi Saliba Sky Sports telekanaliga.
"Arsenal" Salibani 2019 yilning yozida o‘z safiga qo‘shib olgan edi. Bu vaqt ichida u "Sent-Etyen", "Nissa" va "Marsel" klublarida ijarada harakat qildi.