Tatariston Respublikasining Naberejnochelnin shahar sudi "Rubin" klubi tarbiyalanuvchisi Anton Adarichevni 4 oktyabrgacha tergov izolyatoriga joylashtirdi, deb xabar bermoqda "BIZNES Online".
21 yoshli fuqaro KAMAZ innovasion rivojlanish va ilg‘or texnologiyalar xizmati rahbari bo‘lib ishlagan 62 yoshli otasi Valeriy Adarichevni o‘ldirishda ayblanmoqda.
Tergov ma’lumotlariga ko‘ra, 3 avgust kuni kechqurun ota uyida xonadondan televizor yo‘qolganini aniqlagan va uni o‘g‘li lombardga olib borib bergan. Shu sababli mojaro kelib chiqdi, u mushtlashuvga aylanib ketdi. So‘ngra Anton otasini pichoqlab, uning o‘limiga sababli bo‘ldi. Bu vaqtda ona xonadonga qaytib kelgan, Anton onasining ham qorniga o‘tkir tig‘li buyum (pichoq) bilan zarba urgan, shundan so‘ng u ota-onasining bank kartasini o‘g‘irlagan, so‘ng jarohat olgan onasini mashinada kasalxonaga olib borgan va qochishga uringan, ammo tez orada hibsga olingan.
"Men aybimni qisman tan olaman. Nima uchun qisman? Mening maqsadim otamni o‘ldirish emas edi. Men beixtiyor jinoyat qildim”, — dedi sud jarayonida kichik Adarichev. Uning so‘zlariga ko‘ra, unga pul totalizatorga tikish uchun kerak edi.
