"Ayntraxt" yarim himoyachisi Filip Kostich "Yuventus"ga o‘tishi mumkin.

Jurnalist Patrik Bergerning yozishicha, nemis klubi 29 yoshli serbning transferi uchun “keksa sinyora”dan 15 million yevro talab qilmoqda. Qayd etilishicha, futbolchi "Ayntraxt" bilan juda qulay shartlarda yangi mehnat shartnomasi imzolagan holda jamoada qolishi mumkin.

Kostichning o‘zi allaqachon “Yuventus” bilan shartnoma shartlarini kelishib olgan. Uning yangi klubidagi maoshi bonuslarni hisobga olmaganda yiliga 2,7 million yevroga yetishi mumkin va kelishuv 2025 yilgacha amal qiladi.

Eslatib o‘tamiz, Transfermarkt portali ma’lumotlariga ko‘ra, futbolchining narxi 24 million yevroni tashkil qiladi.