"Manchester Yunayted" hujumchisi Krishtianu Ronalduning opasi Katya Aveyru kecha "PSJ" safida «Klermon» darvozasiga chalqancha uslubda gol urgan Lionel Messiga munosabat bildirdi.
Krishtianuning faoiyatini yoritib boruvchi Instagramdagi sahifa Messining kechagi golini Ronalduning "Real" safida Chempionlar ligasi doirasida «Yuventus» darvozasiga urgan goli bilan taqqoslandi va unga quyidagicha izoh yozildi:
«Biri kichkina to‘pponcha bo‘lsa, ikkinchisi esa "qaychi" uslubida berilgan haqiqiy zarba. Biri Fransiya chempionati doirasida «Klermon» darvozasiga urilgan bo‘lsa, ikkinchisi Chempionlar ligasi doirasida «Yuventus» darvozasiga kiritilgan.
O‘yinchilardan birining qo‘llari va bir oyog‘i yerga tegib turibdi — tana va maydon orasiga matras solsa bo‘ladi, ikkinchi holatda esa futbolchi to‘laligicha havoda turibdi.
Mana shunday katta farq bor. Yuqori suratdagi futbolchi pastdagi futbolchining ostiga bemalol joylashib ketib, yana ochiq joy qoladi. Ularni hech qachon taqqoslaman».
Portugaliyalik futbolchining opasi Katya Aveyru esa ushbu postga "layk" bosib, so‘ngra qarsak chalingan "smaylik"larni qo‘ydi.
