«Manchester Yunayted»ning mag‘lubiyatiga sabablar topish qiyin emas - jamoa mavsumoldi o‘yinlarda yomon ko‘rinmagan bo‘lsa-da, Marsiyalning jarohati, Ronalduning formada emasligi tufayli, deyarli hujumchisiz o‘ynashiga to‘g‘ri keldi. Bu biroz murakkab sistemani birdaniga «Brayton»dek jamoaga qarshi sinab ko‘rish biroz xavfli edi.

Birinchi taymni eslang, futbolchilar qayerga yugurishni, qaysi tomonga pas berishni hal qila olmay qiynalishdi.

2-taymda biroz soddaroq sxema va Eriksenning tayanch zonasida hujumlarni boshlashga mas’ul bo‘lishi mezbonlarga ustunlik olib berdi. Mana shu faktorning o‘zi Fred va Maktominey juftligining (Reshford bilan birga o‘yinning eng yomon futbolchilari, menimcha) naqadar ojiz ekanini ham ko‘rsatdi, menimcha:

1) Ten Xag De Yong yoki boshqa variantlar uchun shoshilishni boshlaydi;
2) katta ehtimol bilan Fred-Maktomineyni sentyabrdan juftlikda ko‘rmaymiz.

Reshfordni esa, omadsiz ikki mavsumidan keyin navbatdagi Uelbek bo‘lishi taxmin qilinayotgandi. Yo‘q, Uelbek ancha yaxshi ekan.

Qahramon Aslanov.