Darvozabon Salvatore Sirigu faoliyatini “Napoli”da davom ettiradi. Jurnalist Janluka Di Marsioning veb-saytida xabar berishicha, 35 yoshli italiyalik neapolliklar bilan yana bir mavsumga uzaytirish imkoniyati bilan bir yillik shartnomaga kelishib olgan.
Siriguning maoshi 700 ming yevroni tashkil qiladi. Agar “Napoli” shartnomani uzaytirish variantini faollashtirmasa, darvozabon 100 ming yevro tovon oladi.
2021/22 yilgi mavsumda Sirigu “Jenoa” safida 37 ta o‘yinda 59 ta gol o‘tkazib yubordi va 10 ta o‘yinda o‘z darvozasi daxlsizligini saqlab qoldi.
