Дарвозабон Сальваторе Сиригу фаолиятини “Наполи”да давом эттиради. Журналист Жанлука Ди Марционинг веб-сайтида хабар беришича, 35 ёшли италиялик неаполликлар билан яна бир мавсумга узайтириш имконияти билан бир йиллик шартномага келишиб олган.
Сиригунинг маоши 700 минг еврони ташкил қилади. Агар “Наполи” шартномани узайтириш вариантини фаоллаштирмаса, дарвозабон 100 минг евро товон олади.
2021/22 йилги мавсумда Сиригу “Женоа” сафида 37 та ўйинда 59 та гол ўтказиб юборди ва 10 та ўйинда ўз дарвозаси дахлсизлигини сақлаб қолди.