Superliganing 15-turida AGMK Olmaliqda "Lokomotiv"ni mehmon qiladi.
Joriy mavsum hisobidan ushbu jamoalar 3-bor to‘qnash kelishmoqda. Chempionat bahsida "Lokomotiv" 2:1 hisobida g‘alaba qozongandi. O‘zbekiston kubogi guruh bosqichida esa tomonlar durangga imzo chekishgandi. Bu gal esa jamoalar ikkinchi davra doirasidagi bahsda uchinchi bor kuch sinashishadi.
O‘yin bugun Olmaliqdagi OKMK sport majmuasida soat 19:00da boshlanadi.
Uchrashuvni tajribali hakam Shavkat Nasibullayev boshqaradi. VAR hakami sifatida FIFA referesi Ilgiz Tantashev ishlaydi.
O‘zaro uchrashuvlar tarixiga nazar tashlasak, jamoalar barcha musobaqadagi o‘tkazilgan jami 31 o‘yinda AGMK 7 g‘alabanai tantana qilgan. "Lokomotiv" esa 18 bor yutuqqa erishgan va qolgan 6 o‘yin durang bilan tugagan.
