"Inter" va "PSJ" klublarining Milan Shkrinyar borasidagi muzokaralar boshi berk ko‘chaga kirib qoldi.

So‘nggi paytlarda "neradzurrilar" rahbarlari "PSJ"dan Shkrinyar bo‘yicha birorta ham "jiddiy" taklif olmagan. Sky Sport nashri xabariga ko‘ra, milanliklar endi 27 yoshli slovakiyalik futbolchi yozda sotilmasligiga ishonishmoqda. Qolaversa, sentyabr oyiga yaqinroq "Inter" rahbariyati futbolchiga yangi shartnoma taklif qiladi.

OAV ma’lumotlariga ko‘ra, parijliklar Shkrinyar uchun taxminan 50 million yevro taklif qilgan, biroq "Inter" bundan ham ko‘proq so‘ragan.

Markaziy himoyachining milanliklar bilan amaldagi shartnomasi kelasi yozda yakuniga yetadi.