8 ta jinsiy zo‘ravonlik jinoyati bo‘yicha ayblangan “Manchester Siti” futbolchisi aybdorligini inkor qildi.
Transfer huquqi Angliyaning “Manchester Siti” klubiga tegishli bo‘lgan himoyachi Benjamin Mendi o‘ziga qo‘yilgan ayblovlarni tan olmadi.
Bugun, 10 avgust kuni Chester Qirollik sudining navbatdagi yig‘ilishi bo‘lib o‘tdi va unda "Manchester Siti" himoyachisi sakkizta jinsiy zo‘ravonlik bo‘yicha aybdorligini inkor qildi. "Sky Sports" nashrining xabar berishicha, shu paytga qadar u qolgan yettida ayblovda ham o‘z aybini inkor etgan va shunga qaramay doim uning ustidan sudga shikoyat tushavergan.
Unga qarshi 8-ayblov iyun oyining boshida e’lon qilingan va hozirga qadar uning avvalgi ehtimoliy jinsiy zo‘ravonliklari hamda ushbu vaziyat sudda muhokama qilinmoqda. Hozircha, uni aybdor deb topish uchun dalillar yetarlicha emas.
Ma’lumot uchun, Mendi bir necha bor qo‘yilgan ayblovlar tufayli 2021 yil 15 avgustdan buyon futbol o‘yinlarida ishtirok etmayapti.
Avvalroq, Angliya terma jamoasining dunyoga mashhur futbolchisi jinsiy zo‘ravonlikda ayblangani, biroq uning ismi oshkor etilmagani haqida xabar bergan edik.
