8 та жинсий зўравонлик жинояти бўйича айбланган “Манчестер Сити” футболчиси айбдорлигини инкор қилди.

Трансфер ҳуқуқи Англиянинг “Манчестер Сити” клубига тегишли бўлган ҳимоячи Бенжамин Менди ўзига қўйилган айбловларни тан олмади.

Бугун, 10 август куни Честер Қироллик судининг навбатдаги йиғилиши бўлиб ўтди ва унда "Манчестер Сити" ҳимоячиси саккизта жинсий зўравонлик бўйича айбдорлигини инкор қилди. "Sky Sports" нашрининг хабар беришича, шу пайтга қадар у қолган еттида айбловда ҳам ўз айбини инкор этган ва шунга қарамай доим унинг устидан судга шикоят тушаверган.

Унга қарши 8-айблов июнь ойининг бошида эълон қилинган ва ҳозирга қадар унинг аввалги эҳтимолий жинсий зўравонликлари ҳамда ушбу вазият судда муҳокама қилинмоқда. Ҳозирча, уни айбдор деб топиш учун далиллар етарлича эмас.

Маълумот учун, Менди бир неча бор қўйилган айбловлар туфайли 2021 йил 15 августдан буён футбол ўйинларида иштирок этмаяпти.

Аввалроқ, Англия терма жамоасининг дунёга машҳур футболчиси жинсий зўравонликда айблангани, бироқ унинг исми ошкор этилмагани ҳақида хабар берган эдик.