Frankfurtning "Ayntraxt" klubi darvozaboni Kevin Trapp UYEFA Superkubogida "Real"dan uchralgan mag‘lubiyat (0:2) haqida fikr bildirdi.
“Bu emosional sarguzasht bo‘ldi - buni o‘yindan keyin muxlislarning munosabatida ko‘rish mumkin edi. Biz mag‘lub bo‘ldik, lekin ko‘ryapsizmi, ular bizdan faxrlanadilar. Albatta, biz g‘alaba qozonishimiz, bir-ikki golli vaziyatlardan foydalanishimiz mumkin edi, ayniqsa birinchi bo‘limda. Biz Chempionlar ligasi g‘oliblariga yutqazdik, biroq har tomonlama qaraydigan bo‘lsak, bugun biz yaxshi ko‘rindik deb o‘ylayman”, – deya Trappning so‘zlarini keltiradi UYEFA matbuot xizmati.
"Real Madrid" o‘z tarixida beshinchi marta UYEFA Superkubogini qo‘lga kiritdi. Bu ko‘rsatkich bo‘yicha Madrid klubi "Milan" va "Barselona"ga yetib oldi.