Франкфуртнинг "Айнтрахт" клуби дарвозабони Кевин Трапп УЕФА Суперкубогида "Реал"дан учралган мағлубият (0:2) ҳақида фикр билдирди.
“Бу эмоционал саргузашт бўлди - буни ўйиндан кейин мухлисларнинг муносабатида кўриш мумкин эди. Биз мағлуб бўлдик, лекин кўряпсизми, улар биздан фахрланадилар. Албатта, биз ғалаба қозонишимиз, бир-икки голли вазиятлардан фойдаланишимиз мумкин эди, айниқса биринчи бўлимда. Биз Чемпионлар лигаси ғолибларига ютқаздик, бироқ ҳар томонлама қарайдиган бўлсак, бугун биз яхши кўриндик деб ўйлайман”, – дея Траппнинг сўзларини келтиради УЕФА матбуот хизмати.
"Реал Мадрид" ўз тарихида бешинчи марта УЕФА Суперкубогини қўлга киритди. Бу кўрсаткич бўйича Мадрид клуби "Милан" ва "Барселона"га етиб олди.