"Leypsig" himoyachisi Muhammad Simakanga Fransiya chempionatida talab katta. Lequipe nashri xabariga ko‘ra, "PSJ" 22 yoshli frantssiyalik futbolchini o‘z safiga qo‘shib olmoqchi.
Parijliklar slovakiyalik Milan Shkrinyarning transferi bo‘yicha muvaffaqiyatsiz muzokaralardan so‘ng, e’tiborini Simakanga qaratdi.
Transfermarkt portali Simakanning narxini 22 million yevroga baholamoqda. O‘tgan mavsumda Simakan "buqalar" safida barcha musobaqalarda 40ta o‘yinda qatnashib, bitta gol urdi va bitta samarali uzatmani amalga oshirdi hamda 11 ta sariq kartochka oldi.