Huquqlari Londonning “Arsenal” klubiga tegishli belgiyalik yarim himoyachi Albert-Mboyo Lokongo faoliyatini Italiya chempionatida davom ettirish imkoniyati bor. Bu haqda insayder Ekrem Ko‘nur ijtimoiy tarmoqlar orqali ma’lum qildi.
Jurnalistning yozishicha, 22 yoshli ijrochining transferiga milanliklar qiziqish bildirmoqda. "Rossonerlar" futbolchi uchun joriy transfer oynasi yopilishidan oldin taklif bilan chiqishi mumkin.
Eslatib o‘tamiz, Albert-Mboyo 2021 yilning yozida "Anderlext"dan "kanonirlar" lageriga ko‘chib o‘tgandi. Lokongo o‘tgan mavsumda Angliya premyer-ligasida 19 ta o‘yinda maydonga tushdi.