Ҳуқуқлари Лондоннинг “Арсенал” клубига тегишли бельгиялик ярим ҳимоячи Альберт-Мбойо Локонго фаолиятини Италия чемпионатида давом эттириш имконияти бор. Бу ҳақда инсайдер Экрем Кўнур ижтимоий тармоқлар орқали маълум қилди.
Журналистнинг ёзишича, 22 ёшли ижрочининг трансферига миланликлар қизиқиш билдирмоқда. "Россонерлар" футболчи учун жорий трансфер ойнаси ёпилишидан олдин таклиф билан чиқиши мумкин.
Эслатиб ўтамиз, Альберт-Мбойо 2021 йилнинг ёзида "Андерлехт"дан "канонирлар" лагерьига кўчиб ўтганди. Локонго ўтган мавсумда Англия премьер-лигасида 19 та ўйинда майдонга тушди.
