“Milan” hujumchisi Olivye Jiru A Seriyaning 1-turida “Udineze”ga qarshi o‘yinni o‘tkazib yuborishi mumkin. Football Italia nashri xabariga ko‘ra, fransiyalik futbolchining mushak jarohati borligi uning "San-Siro"da bo‘lib o‘tadigan o‘yindagi ishtirokini shubha ostida.
Shu tariqa, yozda “Liverpul”dan tekinga “rossonerlar” safiga kelib qo‘shilgan yangi futbolchi Divok Origi “Udineze”ga qarshi bahsni asosiy qismida boshlashi mumkin.
Eslatib o‘tamiz, o‘tgan mavsumda Jiru Italiya A Seriyasida 11 ta gol urdi va "Milan"ga 11 yil ichida birinchi chempionlikni qo‘lga kiritishiga yordam berdi.
Jiru o‘tgan yozda "San-Siro"ga Londonning "Chelsi" jamoasidan kelgan edi.
