“Милан” ҳужумчиси Оливье Жиру А Сериянинг 1-турида “Удинезе”га қарши ўйинни ўтказиб юбориши мумкин. Football Italia нашри хабарига кўра, франциялик футболчининг мушак жароҳати борлиги унинг "Сан-Сиро"да бўлиб ўтадиган ўйиндаги иштирокини шубҳа остида.
Шу тариқа, ёзда “Ливерпул”дан текинга “россонерлар” сафига келиб қўшилган янги футболчи Дивок Ориги “Удинезе”га қарши баҳсни асосий таркибда бошлаши мумкин.
Эслатиб ўтамиз, ўтган мавсумда Жиру Италия А Сериясида 11 та гол урди ва "Милан"га 11 йил ичида биринчи чемпионликни қўлга киритишига ёрдам берди.
Жиру ўтган ёзда "Сан-Сиро"га Лондоннинг "Челси" жамоасидан келган эди.
