Himoyachi Nikola Milenkovich “Fiorentina” bilan shartnomasini uzaytirdi. Klub sayti xabariga ko‘ra, yangi shartnoma 2027 yilgacha mo‘ljallangan.
Avvalroq, "Fiorentina" unga yiliga 3,5 million yevro oshirilgan maosh bilan yangi shartnoma taklif qilgani xabar qilingandi.
24 yoshli serb 2017 yilning iyulidan beri "binafsharanglilar" safida to‘p tepadi, uning klub bilan so‘nggi shartnomasi 2023 yilning iyun oyi oxirigacha amal qilar edi.
O‘tgan mavsumda futbolchi italyan jamoasi safida 38 ta o‘yinda maydonga tushib, 3 ta gol urishga muvaffaq bo‘lgandi.
