Ҳимоячи Никола Миленкович “Фиорентина” билан шартномасини узайтирди. Клуб сайти хабарига кўра, янги шартнома 2027 йилгача мўлжалланган.
Аввалроқ, "Фиорентина" унга йилига 3,5 миллион евро оширилган маош билан янги шартнома таклиф қилгани хабар қилинганди.
24 ёшли серб 2017 йилнинг июлидан бери "бинафшаранглилар" сафида тўп тепади, унинг клуб билан сўнгги шартномаси 2023 йилнинг июнь ойи охиригача амал қилар эди.
Ўтган мавсумда футболчи итальян жамоаси сафида 38 та ўйинда майдонга тушиб, 3 та гол уришга муваффақ бўлганди.
