"Barselona" hujumchisi Usmon Dembele yozda klub bilan yangi shartnoma imzoladi. 25 yoshli fransiyalik futbolchining tovon puli 100 million yevroni tashkil qiladi.

Footmercato xabariga ko‘ra, kelasi yozda tovon puli ikki barobarga qisqaradi va 50 million yevroga teng bo‘ladi.

Fransiyalik futbolchi ushbu transfer oynasi vaqtida "Barselona"ni erkin agent maqomida tark etishi mumkin edi, ammo tomonlar yangi kelishuvga erishdilar.

Dembele o‘tgan mavsumda "Barselona" safida barcha turnirlarda 32 o‘yinda 2 ta gol urdi va 13 ta golga assistentlik qildi.