"Барселона" ҳужумчиси Усмон Дембеле ёзда клуб билан янги шартнома имзолади. 25 ёшли франциялик футболчининг товон пули 100 миллион еврони ташкил қилади.
Footmercato хабарига кўра, келаси ёзда товон пули икки баробарга қисқаради ва 50 миллион еврога тенг бўлади.
Франциялик футболчи ушбу трансфер ойнаси вақтида "Барселона"ни эркин агент мақомида тарк этиши мумкин эди, аммо томонлар янги келишувга эришдилар.
Дембеле ўтган мавсумда "Барселона" сафида барча турнирларда 32 ўйинда 2 та гол урди ва 13 та голга ассистентлик қилди.
