"Lester" hujumchi Jeymi Vardi bilan yangi shartnoma imzolamoqchi, deb xabar beradi The Telegraph.
Vardining amaldagi shartnomasi joriy mavsum oxirida tugaydi, biroq klub 35 yoshli angliyalik futbolchi yuqori saviyada o‘ynashni davom ettirishga tayyorligiga ishonch bildirmoqda.
"Lester" hujumchi bilan hamkorlikni uzaytirish bo‘yicha og‘zaki kelishuvga erishgan va endi buni faqat qog‘ozga tushirish kerak.
Vardi 2012 yilda "Flitvud"dan 1 million funtga ko‘chib o‘tganidan beri "tulkilar" safida harakat qiladi.
Bu vaqt ichida Jeymi Premyer-liga va Angliya kubogini qo‘lga kiritdi, shuningdek, Angliya terma jamoasiga bir necha bor chaqirildi.
