"PSJ" "Milan" hujumchisi Rafael Leauga qiziqish bildirmoqda.
RMC Sport xabariga ko‘ra, 23 yoshli futbolchining o‘yinini parijliklarning sport direktori Luish Kampush juda yaxshi ko‘radi. Biroq, transfer amalga oshishi oson bo‘lmaydi. Portugaliyalikning narxini pasaytirish uchun "PSJ" himoyachi Abdu Dialloni shartnomaga qo‘shmoqchi.
O‘tgan mavsumda Leau "Milan" safida 42 ta o‘yinda maydonga tushib, 14 ta gol urdi va 12 ta golga assistentlik qildi. Uning klub bilan shartnomasi 2024 yilgacha mo‘ljallangan.
Transfermarkt portali futbolchining narxini 70 million yevroga baholamoqda.
