Krishtianu Ronaldu APL 2-turi doirasida "Brentford"ga qarshi o‘yinda (0:4) "MYU"ning eng yaxshi o‘yinchisiga aylandi.
"Manchester Yunayted" futbolchilarining ushbu o‘yindagi harakatlariga baho bergan Manchester Evening News shunday deb hisoblaydi.
Himoyachilar Lyuk Shou va Lisandro Martines, shuningdek, yarim himoyachi Fred 10 ballik baholash sistemasida 0 ball olishdi. Bu futbolchilarning barchasi tanaffusda almashtirildi.
Darvozabon David De Xea, himoyachi Garri Maguayr, yarim himoyachilar Kristian Eriksen va Brunu Fernandesh, vinger Jeydon Sancho va hujumchi Markus Reshford bir ballga loyiq ko‘rildi. Himoyachi Diogu Dalotning harakatlari ikki ochko bilan baholandi.
Birinchi daqiqalardan maydonga tushganlar orasidan "MYU"ning eng yaxshi futbolchisi Krishtianu Ronaldu bo‘ldi. Uning o‘yini uch ochko bilan baholandi.
O‘yin davomida zaxiradan maydonga tushgan o‘yinchilar Tirell Malasia va Rafael Varan besh ochkodan olgan bo‘lsa, yarim himoyachi Skott Maktominey va vinger Entoni Elanga to‘rttadan ochko oldi. Donni van de Bek maydonda kam vaqt o‘tkazgani uchun baholanmadi.
"MYU" bosh murabbiyi Erik ten Xag esa 2 ballga loyiq ko‘rildi.
