"Chelsi" Angliya Chempionati 2-turining markaziy uchrashuvida "Tottenxem"ni qabul qildi.

Jangovar kurashlarga boy kechgan bahsda tomonlar 2:2 natijasini qayd etishdi.

Dastlab, Kalidu Kulibali Kukurelyaning burchakdan uzatgan to‘pini darvozaga joylab, hisobni ochdi. Bunga "shporlar" safida Pyer Xeybyer jarima maydoni tashqarisidan kiritgan goli orqali javob qaytardi. 77-daqiqada Ris Jeyms Raxim Sterlingning uzatmasidan so‘ng yana "Chelsi"ni hisobda oldinga olib chiqdi. O‘yin yakuniga sanoqli sekundlar qolganda Keyn muvozanatni tiklab, "shporlar"ga 1 ochko keltirdi.

Chelsi – Tottenxem 2:2

14 avgust, 20.30, «Stemford Bridj»

Gol: 1:0 – 19 Kulibali, 1:1 – 68 Xeybyerg, 2:1 – 77 Djeyms, 2:2 - 90+6 Keyn.

Chelsi – Mendi, Tiago Silva, Kulibali, Jeyms, Kukurelya, Loftus-CHik, Jorjinyo (Aspilikueta, 73), Kante (Gallaxer, 85), Maunt, Xaverts, Sterling (Pulishich, 85).

Tottenxem – Lyoris, Emerson (Lukas Moura, 82), Dayer, Devis, Romero, Sessenyon (Risharlison, 57), Son Xyon Min (Perishich, 79), Xeybyerg, Bentankur (Bissuma, 79), Kulusevski, Keyn.

Ogohlantirishlar: Jeyms (41), Mendi (62), Konte (70), Xaverts (86).