Yozgi transfer oynasi yopilishiga tobora yaqinlashib bormoqda. Aksariyat jamoalar yangi mavsum oldidan kuchayib ketishdi va boshlang‘ich turlarda kuchli va asosiy o‘rinlarni egallashmoqda. Ammo ba’zi o‘tishlar hayratlanarli. Quyida siz bir necha oy oldin bashorat qilib bo‘lmaydigan transferlar bilan tanishasiz.
Paulo Dibala, "Yuventus" → "Roma", (erkin agent)
Siz ham Dibalani top-klubda kutganmidingiz? Argentinalik hujumchi “Yuventus”da yetti yil o‘ynab, yulduzga aylandi.
Uning shartnomasi shu yozda tugadi, ammo yangi shartnoma bo‘yicha muzokaralarda muammolar paydo bo‘ldi: Paulo va agentlar uning iste’dodini yuqori baholadilar va katta summani talab qilishdi, klub esa buncha pul to‘lashga tayyor emas edi. Natijada Dibala erkin agentga aylandi.
Dibalaning keyingi jamoasi "Inter" bo‘ladigandek edi. Insayderlar Pauloning Milan klubi bilan muzokaralari haqida qat’iyat bilan yozishdi va transfer mantiqiy ko‘rindi. Ammo syujet o‘zgarda: Dibala "Inter"ga o‘tishga rozi bo‘lmadi va Chempionlar ligasida o‘ynamayadigan "Roma"ni tanladi. Paulo endigina 28 yoshda va jamoa tanlashning bunday pasayishi ko‘pchilikni hayratda qoldirdi. Ammo muxlislar Dibalani Rimda tirik afsona sifatida kutib olishdi.
Federiko Bernardeski, “Yuventus” → “Toronto”, (erkin agent)
Gap “Yuventus” haqida ketayotgani uchun Bernardeski haqida gapirmasa bo‘lmaydi. Bu bir yil oldin Yevropa chempioni bo‘lib, Kanadaga ketishingiz mumkinligi haqidagi hikoya. Bir necha yil oldin Federiko Italiyaning asosiy iste’dodlaridan biri hisoblanardi. U "Fiorentina"da o‘zini ko‘rsatdi va tabiiyki o‘sha yillardagi eng yaxshi Italiya jamoasi "Yuventus"ga o‘tdi. Bernardeski umidlarni oqlamadi.
Hammasi Dibaladagidek yakunlandi. Bernardeski va "Yuventus" yangi shartnoma borasida kelisha olishmadi va futbolchi jamoasiz qoldi. Biroq Fedening tanlovi biroz g’alati bo‘lib chiqdi. Hozir u MLSda "Toronto" tarkibida o‘ynaydi. Italiyalik futbolchining Yevropadagi faoliyati 28 yoshida shunday to‘xtab qolgani hayratlanishga arzimaydimi?
Riki Puch, “Barselona” → “LA Gelaksi”, (erkin agent)
Erkin agent sifatida yana bir harakat. Puch "Barsa"da tarbiyalandi va 2019 yilda aosiy tarkibga kirib kelgan. Unda o‘yinlar soni asta-sekin o‘sib bordi, muxlislarning esa yarim himoyachidan umidlari katta edi.
"Barsa" yarim himoyasidagi hozirgi raqobatni hisobga olsak, Puchning ketishi mantiqiy tuyuldi. Riki AQSHga borib, “Los-Anjeles Gelaksi”ning to‘laqonli futbolchisiga aylandi. To‘g‘ri, Puch eshikni ochiq qoldirdi - "Barsa" o‘z shogirdini qaytarib olish huquqiga ega.
Anxelinyo, “RB Leypsig” → “Xoffenxaym”,(ijara)
Ikki yil avval Anxelinyo “Manchester Siti”da o‘z o‘rnini topa olmadi, keyin esa “Leypsig”ga o‘tdi va ajoyib o‘yin ko‘rsata boshladi. Ispaniyalik futbolchi o‘tgan mavsumda asosiy o‘yinchi bo‘lgan va barcha musobaqalarda qatnashgan.
Keyin nima bo‘ldi? Anxelinyo kutilmaganda “Xoffenxaym”ga ijaraga berildi. Ehtimol, Domeniko Tedeskoga 25 yoshli futbolchi kerak emas.
Kasper Shmeyxel, “Lester” → “Nissa”, 1 mln yevro
Shmeyxel "Lester"ning haqiqiy afsonasi. U elitaga qaytishdan, shov-shuvli chempionlikkacha jamoa bilan birga edi. Bu vaqt davomida Kasper asosiy darvozabon bo‘lib qoldi.
Shu yozda esa kichik Shmeyxel Fransiyaga jo‘nab ketdi. Har holda, bunday transferni oldindan aytish deyarli mumkin emas edi.
